Ярлыки

четверг, 16 декабря 2010 г.

მაინც რა არის ბედნიერება?

თემა : მაინც რა არის ბედნიერება?
სწავლების საფეხური და კლასი : დაწყებითი საფეხური, IIIკლასი
მოსწავლეთა რაოდენობა : 25
საკლასო მენეჯმენტი-საგანმანათლებლო რესურსები
ინფორმაციის წყაროები: .კუხიანიძის "ფერიები"
რ.ინანიშვილი "ბედნიერება'

ტექნიკა და ინსტრუმენტები:
მაგნიტაფონი,ფერადი ფურცლები,გაბერილი ბუშტები.
მიზანი: თავისუფლების,ბედნიერებისა და პასუხისმგებლობის განცდა.შევიცნოთ უკეთ ერთმანეთი.
უნარ-ჩვევები: ლოგიკური და ანალიტიკური აზროვნების,საკუთარი აზრის გამოთქმის,სხვისი აზრის მოსმენის,შეფასების,მხატვრული კითხვის უნარ-ჩვევა.

ეროვნული სასწავლო გეგმით განსაზღვრული მისაღწევი შედეგი/ინდიკატორი


III.2 მოსწავლეს შეუძლია ლიტერატურული ტექსტების მოსმენა,გაგება და მათი შინაარსის გადმოცემა
* მონაწილეობს ინსცენირებაში,არჩევს როლის შესაბამის ინტონაციასა და სხვა გამომსახველობით ხერხებს.

III.4.მოსწავლე ფლობს კითხვის ტექნიკას

*თავისუფლად კითხულობს მასწავლებლის მიერ მითითებულ ეპიზოდს ნაცნობ ტექსტში.
*ხმამაღლა კითხულობს მცირე ზომის ტექსტებს.იცავს პაუზას სასვენ ნიშნებთან.

III.11.მოსწავლეს შეუძლია მცირე ზომის ტექსტის დამოუკიდებლად შექმნა და აზრის გასაგებად ჩამოყალიბება.
*აღწერს კონკრეტულ ფაქტს/მოვლენას საკუთარი ცხოვრებიდან.

აუცილებელი პირობა: ტექსტების დამუშავება,გმირის რუკის,ერმხრივ ჩანაწერთა დღიურის,თემების,ილუსტრაციების ”აქტივობის რვეულად” აკინძვა-გამოფენა.
მოწვეული სტუმრები: ლაშა ჩიკვაიძე - რეჟისორი
ოლგა ცისკარიშვილი-სოსელია - ჟურნალისტი

მეთოდი: მკითხველთა თეატრი.


გაკვეთილის მსვლელობა:

ტრენინგი "დაწყებითი წიგნიერება"

2010 წლის 6-28 ნოემბერს გავიარეთ ტრენინგის კურსი: "დაწყებითი წიგნიერება". ტრენინგის ხელმძღვანელი გახლდათ ქალბატონი ნინო ბესელია.ჩემთვის ეს დღეები ხალისიანი,ნაყოფიერი და მნიშვნელოვანი იყო.

воскресенье, 14 ноября 2010 г.

“ვიწყებთ ჩვენი ქალაქის გაცნობას” – პროექტი

მიმართულება _ უსაფრთხოება და მოქალაქეობრივ-პარტიოტული ცნობიერება
“ვიწყებთ ჩვენი ქალაქის გაცნობას” – პროექტი. ექსკურსიები თბილისის სხვადასხვა უბანში,ექსკურსიებს წინ უძღვის პროექტში მონაწილე მშობლის მიერ მოძიებული ინფორმაცია მითითებულ მარშრუტზე.
მოსაძიებელი მასალა: თოჯინების თეატრი,თოჯინების მუზეუმი,ანჩისხარის ეკლესია,საპატრიარქო,მშვიდობის ხიდი.ექსკურსიის მარშუტი:სკოლის ეზო-ანჩისხატის ეკლესია-თოჯინების მუზეუმი_მშვიდობის ხიდი-სკოლის ეზო.

суббота, 18 сентября 2010 г.

გილოცავთ 2010-2011სასწავლო წელს



თბილისის 157-ე საჯარო სკოლის
III კლასის პედაგოგ მ.ბასილიძის
I სემესტრის სადამრიგებლო კონცეფცია

მიმართულება – პიროვნული და მორალური განვითარება
• “მე უკვე მესამეკლასელი ვარ” – ზაფხულის შთაბეჭდილებები, მათი ინტერესი,ჰობი,რომელი გაკვეთილი მოენატრათ ყველაზე ძალიან,რა მოლოდინი აქვთ ახალ სასწავლო წელს? (1 შეხვედრა)
• “ შევიმუშაოთ ქცევის წესები” _ როგორ მოვიქცეთ კლასში,როგორი ჩაცმულობა იქნება ჩვენთვის მისაღები,წახალისებისთვის როგორი პირობითი ნიშანი მოგვეწონებოდა? ( 1 შეხვედრა)
• “ჩვენ ერთმანეთს ვგევართ და ამასთანავე განვსხვავდებით” _ რაზე ოცნებობენ ჩვენი თანატოლები? გავიხსენოთ ზაფხულში წაკითხული ნაწარმოები : “ტომ სოიერის თავგადასავალი”(მარკ ტვენი) და ”პეპი გრძელიწინდა”(ა.ლინდგრენი); დისკუსია-”მე ასეთი ვარ”-ჩემი საყვარელი 3 სათამაშო,საყვარლი ცხოველი,ფრინველი,ყვავილი,კერძი,ჩემი ჰობი;სურვილისამებრ შეხვედრა რომელიმე მოსწავლის მშობელთან,ბები-ბაბუასთან,დასთან ან ძმასთან. დავუსვავთ კითხვებს მათ შესახებ. ( 2 შეხვედრა)
მიმართულება _ უსაფრთხოება და მოქალაქეობრივ-პარტიოტული ცნობიერება
• “ვიწყებთ ჩვენი ქალაქის გაცნობას” – პროექტი. Aექსკურსიები თბილისის სხვადასხვა უბანში,ექსკურსიებს წინ უძღვის პროექტში მონაწილე უფროსკლასელთან,ან მშობლის მიერ მოძიებული ინფორმაცია მითითებულ მარშრუტზე.
ა)მოსაძიებელი მასალა: თბილისის დაარსება,მდინარე მტკვარი,მეტეხისა ტაძარი,ფერისცვალების დედათა მონასტერი,ღვინის აღმართი. Eექსკურსიის მარშრუტი:სკოლის ეზო-მეტეხის ტაძარი-ფერისცვალების დედათა მონასტერი-ღვინის აღმართი-სკოლის ეზო.
Bბ)მოსაძიებელი მასალა: თოჯინების თეატრი,თოჯინების მუზეუმი,ანჩისხარის ეკლესია,საპატრიარქო,მშვიდობის ხიდი.ექსკურსიის მარშუტი:სკოლის ეზო-ანჩისხატის ეკლესია-თოჯინების მუზეუმი_მშვიდობის ხიდი-სკოლის ეზო.
გ) მოსაძიებელი მასალა: ნარიყალა,თბილისის აბანოები. Eექსკურსიის მარშრუტი: სკოლის ეზო,ნარიყალა-სკოლის ეზო.
მიმართულება: გარემოს დაცვითი კულტურა და ცხოვრების ჯანსაღი წესი
• “წყალი - სიცოცხლის წყარო”,-ჩემი სოფლის მდინარე,ტბა,წყალსაცავი,
Nნაკადული,წყარო,ზღვა...მოსწავლეთა მიერ ზაფხულის არდადეგების განმავლობაში მოძიებული მასალის პრეზენტაცია ამ თემაზე. ( 1 შეხვედრა)
• “თამაშობები,რომელიც ჩემს დედ-მამასა და ბებია-ბაბუას უყვარდა ბავშვობაში”, - ზაფხულის არდადეგებზე მოძიებული მასალის წარდგენა თანაკლასელების წინაშე,თუ მოსახერხებელი იქნება გათამაშება.(1-2შეხვედრა)
• საუბარი თემაზე: სხეულის სისუფთავე, ეპიდემია, გრიპის ეპიდემია პროფილაქტიკა.სამკურნალო მცენარეები: ჭრილობისა და ტრამვებისგან თავის დაცვა. სიტუაციების იმიტაცია და გამოსავლის პოვნა.( 2-3შეხვედრა)
მიმართულება _ინტელექტუალური და ესთეტიკური განვითარება
• მითითებული წიგნის,მოთხრობის,ლექსების წაკითხვისას მირებული შთაბეჭდილებების გაზიარება. Pპოეზიის საღამო (წყვილები- დედა-შვილი ან და-ძმა,საყვარელ ლექსს წაგვიკითხავენ მხატვრულად: ( 3 შეხვედრა)
• საახალწლო ტრადიციები საქართველოს სხვადასხვა კუთხეში.
( 2 შეხვედრა)

среда, 26 мая 2010 г.

ფოტოგალერეა - Galerie de photos 2009/2010 ს/წ.




დედის დღე - La fête des Mères





ბუნების გაკვეთილზე


ქართულისა და ხელოვნების ინტეგრირებული გაკვეთილი


მწერები-საოცარი არსებები


გაკვეთილის თემა
მწერები-საოცარი არსებები

აქტივობის მიზანი და მისაღწევი შედეგები:
მოსწავლეებმა უნდა შეძლონ ზოგიერთი მწერის ამოცნობა და დასახელება.მწერებზე დაკვირვების შედეგად საკონფერენციო მასალის მომზადება.
ინდივიდუალურად და გუნდურად მუშაობის უნარ-ჩვევა.
ლოგიკური და ანალიტიკური აზროვნების,საკუთარი აზრის გამოთქმის,სხვისი აზრის მოსმენის,გააალიზების,შეფასების უნარ-ჩვევა.

ეროვნული სასწავლო გეგმით განსაზღვრული მისაღწევი შედეგი/ინდიკატორი

ბუნება
ბუნ.II.1 მოსწავლე აღწერს მცენარის და ცხოველის ძირითად გარეგან ნაწილებს.

•თვალსაჩინოებაზე ამოიცნობს ორგანიზმის ძირითად გარეგან ნაწილებს,ასახელებს და გამოთქვამს აზრს მათი ფუნქციის შესახებ.
•ასრულებს მარტივ ინსტუქციებს და ფრაგმენტებიდან ქმნის ცხოველის
გამოსახულებას.

ბუნ.II.10. მოსწავლე აღწერს მცენარეებისა და ცხოველების მნიშვნელობას ადამიანებისათვის.

•ახასიათებს და აჯგუფებს ცხოველებს ადამიანის მიერ მათი გამოყენების სფეროების მიხედვით.
•გამოხატავს საკუთარ დამოკიდებულებას ცოცხალი ორგანიზმისათვის მიყენებული ზიანის მიმართ, მოჰყავს მაგალითები.

თემატური ელემენტები
მწერების ზოგადი დახასიათება.
მავნე და სასარგებლო მწერები.
ფუტკარი.

შეფასება
მუშაობის ხარისხი და სისწრაფე-რამდენად ზუსტად და სწრაფად არჩევს სასურველ მასალას;
ინდივიდუალური და ჯგუფური მუშაობის უნარი-რამდენად შეუძლია დამოუკიდებლად მუშაობა და საჭიროების შემთხვევაში სხვისი დახმარება.
მოსმენისა და გადმოცემის უნარი-რამდენად შეუძლია სხვისი მოსმენა და საკუთარი აზრის გადმოცემა.


საკლასო მენეჯმენტი/საგანმანათლებლო
რესურსები

ტენიკა:კომპიუტერი,პროექტორი
გამოყენებული ლიტერატურა: ბუნების სახელმძღვანელო (IIკლასი.კვანტალიანი)
http://children.iatp.ge/main_blue.htm “|ჭიანჭველების ენა”,”ფუტკარი”,ჭიანჭელა”.







ფუტკარი

ფუტკარი მეტად სასარგებლო მწერია.იგი გვაძლევს თაფლს,ცვილს,ყვავილის მტვერს,ფუტკრის შხამს,ფუტკრის რძეს,დინდგელს.
ფუტკრები საზოგადოებებად ცხოვრობენ,მათ დამოუკიდებლად ცხოვრება არ შეუძლიათ.თუ ფუტკარს თვისტომთ ჩამოაშორებთ,რამდენიმე საათში დაიღუპება.
იცით, რა ჰქვია ფუტკრების სახლს? (სკა) ფუტკრები სკებში ცხოვრობნენ.ყოველ სკას 1 დედა ფუტკარი, ათასობით მუშა და რამოდენიმე ასეული მამრი ფუტკარი ჰყავს.დედა ფუტკარი დიდი პატივით სარგებლობს.მას სკაში ცალკე შესასვლელი აქვს, რომლითაც სხვა ფუტკრები ვერ ისარგებლებენ.
ფუტკრის გამრავლებას ყრა ჰქვია. დედა ფუტკარი დღე-ღამეში 1500-2000 კვერცხს დებს ფიჭის უჯრედებში.
პირველად დადებული კვერცხებიდან მუშა ფუტკრები იჩეკებიან,მოგვიანებით კი მამრი ფუტკრები ჩნდებიან. მატლები,რომლითაც დედა ფუტკარი უნდა განვითარდეს განსაკუთრებულ საკვებს იღებს.ესაა ფუტკრის რძე.დანარჩენები კი ფუტკრის პურით,ეგრეთწოდებული “პერგუთი” იკვებებიან.
ნაყარის დროს ძველი დედა ფუტკარი სკას ტოვებს. მას სკის მობინადრეთა ნახევარი მიჰყვება.ნაყარი მზვერავ ფუტკრებთა ერთად ახალი ბინის მოსაძებნად მიფრინავს. სკაში კი ახალი დედა ფუტკარი რჩება.
შემოდგომაზე,სიცივეების დადგომის წინ ფუტკრები კლავენ ან სკიდან ერეკებიან მამალ ფუტკრებს,რადგან ზამთარში დედა ფუტკარი კვერცხის დებას წყვეტს და მათი განაყოფიერებაც საჭირო აღარ არის,ამრიგად მამრი ფუტკრები უფუნქციოდ რჩებიან და მუქთამჭამელებად იქცევიან.მათ გამოკვებას კი ბევრი თაფლი სჭირდება.ზამთარში ფუტკრები გუნდასავით იკვრებიან და ასე ატარებენ ცივ დღეებს,თუმცა თუ ფიჭაში თაფლი არის სკაში ტემპერატურა განსაკუთრებული სიცივეების დროსაც კი 12-15 გრადუსზე დაბლა არ ეცემა.
საკვების შესაგროვებლად ფუტკრები გზავნიან მზვერავებს,რომლებიც საგულდაგულოდ ეძებენ ნექტრით მდიდარ ადგილებს და მათ შესახებ თვისტომთ ატყობინებენ. ამისათვის სკაში დაბრუნებული მზვერავები უცნაურად მოძრაობენ,რასაც ადამიანები ფუტკრების ცეკვას უწოდებენ. წრიული ცეკვა ნიშნავს, რომ ნექტარი ახლოსაა. ქანქარისებური ცეკვა კი იმის მაუწყებელია,რომ ნექტარი შორსაა.მზვერავები საოცარი სიზასტით გადასცემენ მუშა ფუტკრებს საკვების ადგილმდებარეობას,აგრეთვე იმას,თუ რამდენი “საწვავი” დაეხარჯებათ იქ მისაღწევად.
იცით რა არის ფუტკრების საწვავი?(თაფლი).ცნობილია რომ სკიდან გამოფრენამდე მუშა ფუტ კრები აუცილებლად იღებენ საზრდოდ გარკვეული რაოდენობის თაფლს,რათა ძალები მოიკრიბონ.
ფუტკრის ოჯახში შრომა უცნაურადაა განაწილებული.საქმე იმაშია,რომ სიცოცხლის მანძილზე ფუტკარი სხვადასხვა საქმიანობითაა დაკავებული. მაგალითად,ახალგაზრდა ფუტკარი მატლებს კვებავს,შემდგომ იგივე ფუტკარი სანთელს წარმოქმნის და მშენებლად იქცევა.მერე სანიტრის მოვალეობას ასრულებს,კიდევ უფრო გვიან სკის განიავების საქმეს ემსახურება,ღალის ასაღებად ფრენას კი სიცოცხლის დასარულს იწყებს,მისი ეს საქმიანობა მხოლოდ 3-4 კვირას გრძელდება,სულ ბოლოს კი დარაჯის მოვალეობას ასრულებს.
მუშა ფუტკრის სიცოცხლის ხანგრძლივობა სხვადასხვა დროს სხვადასხვაა.
ზაფხულში მთავარი ღალიანობის პერიოდში, ის 30-35 დღემდე აღწევს;
სუსტი ღალიანობის პერიოდში- გაზაფხულსა და შემოდგომაზე ,ორი თვის ფარგლებში.
ხოლო უღალო პირობებში გვიან შემოდგომიდან დაწყებული გაზაფხულამდეც კი, შეიძლება 7-8 თვემდე გაგრძელდეს.
ვახსენე სიტყვა ღალა,იცით რა არის ღალა? ღალას ფუტკრები ყვავილისაგან იღებენ.მოგროვილ ყვავილის მტვერს ისინი ფეხებზე იკრობენ და ასე ეზიდებიან სკაში.

განცვიფრებას იწვევს ფუტკრების მიერ აშენებული ფიჭა,რომლის უჯრედებიც ზუსტად ერთი ზომისა და ფორმის ექვსკუთხა ფორმის ჯამებია.ამ ჯამებში ფუტკრები აგოვებენ თაფლს და ათავსებენ თავიანთ მატლებს.ფუტკრები სკაში რამოდენიმე ფიჭის დაფას აგებენ,რომლებიც ერთმანეთისგან ზუსტად ერთნაირი მანძილითაა დაშორებული
არსებობს მეთაფლია ფუტკრის 18 ჯიში.მათ შორის განსაკუთრებული თვისებებით გამოირჩევა ქართული ფუტკარი. ისი დამახასიათებელი თვისებაა,არ ინესტრება.რას ნიშნავს თქვენი აზრით,სიტყვა,არ ინესტრება?(არ იკბინება),თვინიერია და მისი ნახვა მცირე ღალიანობისას,ანუ როცა თაფლს არ აგროვებენ, შეიძლება უპირბადოდ. ქართული ფუტკარი იტანს სუსხიან ამინდებს,ნექტარს ნისლსა და ჟინჟლში კი აგროვებს. მას მსოფლიოში ყველაზე დიდი ხორთუმი აქვს.ხორთუმის სიგრძე 7,1 მმ-ია.
ქართული ფუტკარი თავისი განსაკუთრებული თვისებების გამო სამჯერ დააჯილდოვეს ოქროს მედლით.
სკიდან თაფლის ამოღებას დახილვას უწოდებენ. თაფლს შემოდგომით იღებენ სკიდან. ეს პროცესი დაახლოებით ასე ხდება. იღებენ ფიწის ჩარჩოებს და ათავსებენ,თაფლის გამოსახდელ ხელსაწყოში,რომელსაც ციბრუტს ეძახიან.მასში მრგვალი ფორმის,ლითონის ფირფიტებია ჩადგმული.ამ ფირფიტებს შორის ათავსებენ ჩარჩოებს და წურავენ.გადმოდის თაფლი.ციბრუტიდან ჩარჩოს ისევ სკაში აბრუნებენ. თაფლის გამოწურვის შემდეგ ცარიელი ფიჭიდან სანთელს ამზადებენ.

ფუტკრის პროდუქტებს სამკურნალო თვისებები აქვს.თაფლს,ცვილს,ყვავილის მტვერს,ფუტკრის შხამს,ფუტკრის რძეს და დინდგელს იყენებენ ფარმაკოლგიასა და კოსმეტოლოგიაში.